UMAR JALWO ME

Umar Jalwo Me Basar Ho ____ Ye Zaroori To Nahi
Har Shab-E-Gham Ki Sahar Ho Ye Zaroori To Nahi

Neend To Dard K Bistar Pe Bhi Aa Sakti Hai
Unki Aagosh Me Sar Ho Ye Zaroori To Nahi

Aag Ko Khel Patango Ne __Samajh Rakkha Hai
Sab Ko Anjaam Ka Darr Ho Ye Zaroori To Nahi

Shaikh Karta Hai Jo Masjid Me Khuda Ko Sajde
Is Ke Sajdo Me Asar Ho ___Ye Zaroori To Nahi

Sab Ki Saaqi Pe Nazar Ho Ye Zaroori Hai Magar
Sab Pe Saaqi Ki Nazar Ho __Ye Zaroori To Nahi